കോഴിക്കോട്: വിനോദസഞ്ചാര വകുപ്പും കോഴിക്കോട് ജില്ലാ ഭരണകൂടവും ഡിടിപിസിയും ചേര്ന്ന് 24 മുതല് 30 വരെ സംഘടിപ്പിക്കുന്ന ഓണാഘോഷത്തിന് മുന്നോടിയായി കോഴിക്കോട് മാനാഞ്ചിറയില് നടന്ന വടംവലി മത്സരം ആവേശമായി.
കോര്പറേഷന് മേയര് ഒ. സദാശിവന്, എംഎല്എമാരായ അഡ്വ. കെ. ജയന്ത്, അഡ്വ. പ്രവീണ്കുമാര്, അഡ്വ. ഫൈസല് ബാബു, പി.കെ. ഫിറോസ് എന്നിവര് ഉള്പ്പെടെ അണിനിരന്ന സെലിബ്രിറ്റി മത്സരത്തില് ഡെപ്യൂട്ടി കളക്ടര് സുബൈറിന്റെ നേതൃത്വത്തിലുള്ള കോഴിക്കോട് കളക്ടറേറ്റ് ടീം ജേതാക്കളായി.
ഇ.പി മുഹമ്മദിന്റെ നേതൃത്വത്തിലുള്ള കാലിക്കറ്റ് പ്രസ് ക്ലബ് ടീമിനെയാണ് ഫൈനലില് കീഴടക്കിയത്. കെ. ജയന്ത് എംഎല്എയുടെ നേതൃത്വത്തില് ജനപ്രതിനിധികളും ജില്ലാ സ്പോര്ട്സ് ഓഫീസര് മുഹമ്മദ് യാസിറിന്റെ നേതൃത്വത്തില് ജില്ലാ സ്പോര്ട്സ് കൗണ്സില് ടീമും ഉള്പ്പെടെ നാല് ടീമുകളാണ് സെലിബ്രിറ്റി മത്സരത്തില് മാറ്റുരച്ചത്.
പുരുഷ വിഭാഗത്തില് സിഎസ്എ കേരളയെ പരാജയപ്പെടുത്തി ഉമ്മന്ചാണ്ടി സ്പോര്ട്സ് അക്കാദമിയും വനിതാ വിഭാഗത്തില് ഉമ്മന്ചാണ്ടി സ്പോര്ട്സ് അക്കാദമിയെ പരാജയപെടുത്തി കോഴിക്കോട് ഗുരുവായൂരപ്പന് കോളേജും ജേതാക്കളായി. മത്സരം അഡ്വ. കെ. പ്രവീണ് കുമാര് എംഎല്എ ഉദ്ഘാടനം ചെയ്തു. ജില്ലാ സ്പോര്ട്സ് കൗണ്സില് സെക്രട്ടറി പ്രപു പ്രേംനാഥ് അധ്യക്ഷനായി.
Deepika
E-paper LOGIN
LOGIN
